Google+ Followers

sabato 8 febbraio 2014

Si de Otrantu se... di Miranda Bibbò.

Si Otrantino se.......

Si Otrantinu se a la matina
te fascj la fuscjuta o a camminata
e mandi lu bongiornu su fb
cu na fotu ca hai appena scattata.

Si Otrantinu se guardandu a mare
viti le montagne de l'Albania
e pensi a li pescatori de na fijata
ca tissiane riti e fantasia.

Si de Otrantu se quandu cammini
te senti retu e spaddhre murmurare
ma tuttu spiccia a dhrai....riva lu jientu
ca tuttu coje e tuttu futte a mare.

Si de Otrantu se de fronte a mare
fascjvi colazione a lu Bibbò
e l'aperitivu poi nu n'era mancare
de quiddhri ca se li ricordane ancora mo'.

Si Otrantinu se cu picca pane
affronti la scjurnata comu vene
e spetti cu 'ncignja la staggione
pe nu' stozzu de fatica e qualche illusione.

Si de Otrantu se nu te basta nu Santu
ma te rivolgi a chiui de ottucentu
e se la Madonna la cumpagnj a mare
sia se chiove o se tira jentu.

Simu Otrantini se ne rispettamu
se ne vulimu bene e ne 'nbrazzamu
na manu lava l'authra e tutte doi u visu
Otrantu è ancora nu Paradisu....

Miranda Bibbò.

Nessun commento: